პლაგიატი VS ინსპირაცია

პლაგიატი სხვისი შემოქმედების, იდეების, გამოგონებების გააზრებული მითვისებაა. ესაა პლაგიატის ზუსტი განმარტება, მაგრამ არის პლაგიატი ყოველთვის გააზრებული? მუსიკაში ხშირია პლაგიატის შემთხვევები, ნებით თუ უნებლიედ მუსიკოსები ერთმანეთის შემოქმედების გავლენის ქვეშ ექცევიან, ხანდახან მსგავსება უბრალოდ მსგავსებაა, ხანდახან კი copy paste.
ბევრი რომ არ გავაგრძელო რამდენიმე "აღმოჩენა" მინდა მოგასმენინოთ, ხოლო პლაგიატია, ინსპირაცია თუ უბრალოდ მსგავსება ეს უკვე მსმენელის გადასაწყვეტია.
Let's start ...

1. ერთხელ, როცა ინტერნეტში ჩვეულებისამებრ რაღაცას ვეძებდი, YouTube-ზე ჩართული მქონდა ქართული სიმღერების ფლეილისთი, უცებ გიტარის ნაცნობი სოლო ჩამესმა და მივხვდი, რომ  ეს ის არ იყო, რასაც ვუსმენდი. :D

ვაკის პარკი - შრომის ბირჟა - 1:43 - 1:46
Led Zeppelin - Stairway to heaven  - 5:55 - 5:57

 

2. ეს ძალიან სასაცილო მაგალითია, მაგრამ გადავწყვიტე მაინც მოგასმენინოთ, როგორც ჩემმა მეგობარმა თქვა მთელმა მსოფლიომ იცის და ჩვენც უნდა ვიცოდეთ როგორ მოიპარა და გამოიყენა Deep Purple-მ თავისი ნომერ პირველი ჰიტისთვის ქართული "შალახო" :D

შალახო  

Deep Purple - Child in Time - 5:46 - 5:51

3. ისევ Deep Purple-თი გავაგრძელოთ, ჭორები ფარფლების პლაგიატობაზე მქონდა გაგონილი, მაგრამ არასდროს მქონია სურვილი გადამემოწმებინა, მაგრამ მაინც დავინტერესდი :)) 

Warping - Rock Star (1970) 

Deep Purple - Fireball (1971)

4. Child in Time საეჭვოდ გავს ამ კომპოზიციას, თუმცა ეს შეიძლება მხოლოდ ინსპირაცია იყოს და საერთო არაფერი ჰქონდეს პლაგიატთან.

It's a beautiful day - Bombay Calling

Deep purple - Child in Time

4. Deep Purple-ის ფანები ძალიან რომ არ გავანაწყენო  ეს ბოლო იყოს. (თუმცა მეც მათი დიდი ფანი ვარ)

5. გადავედი ასევე ჩემს ფავორიტ და პლაგიატის მეფედ აიარებულ ჯგუფზე. არც მეტი, არც ნაკლები ეს არის Led Zeppelin. ცნობილი ფაქტია, რომ ზეპელინების მუსიკისა და ტექსტების დიდი ნაწილი აღებულია 30 წლების ამერიკული ბლუზიდან. მათ პლაგიატობას ის უამრავი სასამართლო პროცესიც მოწმობს, სადაც ბენდი ხშირად მილიონებს იხდიდა სამართლიანად თუ უსამართლოდ. თუმცა ამის მიუხედავად Led Zeppelin-მა მაინც შეძლო, რომ ნაკლებად ხარისხიანი, უინტერესო, არაპოპულარული მუსიკის გავლენით შეექმნა ის სამყარო, რაზეც როკის მოყვარულები ათეული წლებია "სახეს იხევენ" და სულ ფეხებზე კიდიათ პლაგიატი და ინსპირაცია. 

Barbara Muller - Babe I'm gonna Leave you (1969)

Led Zeppelin - Babe I'm gonna Leave you (1964)

(ამ შემთხვევაში პლაგიატი ეხება ტექსტს) 

6. ამ კომპოზიციების მელოდიაც და ტექსტიც ძალიან გავს ერთმანეთს. (მეტიც, ვიდრე გავს)

Moby Grape - Never (1968)

Led Zeppelin - since I've been lovin you (1970) - 1:29 - ...

7.  ისევ ზეპელინები....

Jake Holmes - Dazed and Confused

Led Zeppelin - Dazed and Confused

8.  ეს არის შემთხვევა, რომელიც ბოლომდე ვერ მტკიცდება როგორც პლაგიატი, მაგრამ ბენდმა მაინც წააგო სასამართლო პროცესი და რამდენიმე მილიონი გადაუხადა სიმღერის ავტორის ოჯახს (ავტორი უკვე გარდაცვლილი იყო, როცა ოჯახმა სარჩელი შეიტანა და ჯგუფი პლაგიატში დაადანაშაულა)

Taurus - Spirit
Led Zeppelin - Stairway to Heaven

9. განსხვავებული რიტმის მიუხედავად ამ ორ სიმღერას შორის ნამდვილად არის რაღაც მსგავსება. 

Tom Petty & The Heartbreakers - Mary Jane's Last Dance

Red Hot Chili Peppers - Dani California

10. კონჩიტას თემა მსოფლიომ განიხილა და განიხილაზე მეტიც, რაღა დროს მისი გახსენებაა, თუმცა სულ შემთხვევით პატარა მსგავსება აღმოვაჩინე მისი სიმღერის ერთ პატარა ეპიზოდსა და ჩემი ფავორიტი მიუზიკლის ეპიზოდს შორის.

Conchita - Rise like a Phoenix  - 2:49 - 2:51

Ian Gillan - Gethsemane   -  3:38- 3:42

11. Pink Floyd-ის გარეშე როგორ შეიძლება მუსიკალური პოსტის გამოქვეყნება, ოღონდ ამ შემთხვევაში ინსპირაციის წყარო თვითონ არის Pink Floyd.

eRa 2 - Devore Amante -  დაახლოებით 2:29 დან ამ მუსიკალურ კომპოზიციას ძალიან ვამსგავსებ Comfortable Numb-ს

Pink Floyd - Comfortable Numb

12. და პოსტის ბოლოს პლაგიატი, რომელიც ყველაზე მეტად "გამიტყდა" :((

Кино - Стань Птицей
ირაკლი ჩარკვიანი - წყალს 

განსხვავებული ენისა და ინსტრუმენტალის მიუხედავად, თუ კარგად დააკვირდებით მიხვდებით ამ ორი მელოდიის მსგავსებას.

სულ ეს იყო, რაც მინდოდა გამეერთიანებინა ამ პოსტში, მხიარული, აღიარებული, დაუჯერებელი პლაგიატები, რომელიც მუსიკალურ სამყაროში არ ილევა და მე მხოლოდ ის 12 შევარჩიე, რომელზეც მსმენია და რომელიც ბოლო პერიოდში "აღმოვაჩინე".

To be continued ...

პოეზია + როკი

1. Led Zeppelin-ის Stairway to heaven + შოთა ნიშნიანიძის "კაცია და გუნება"

2. Pink Floyd-ის  Hey You + გიორგი ზანგურის "უძრავი ქალაქი"

 

3. Iron Maiden-ის  Dance of death + თემურ ელიავას "მდგმური" 

რა აკავშირებთ გალაკტიონს, AC/DC–ს, Pink Floyd–ს და Beatles–ს

გაინტერესებთ რა აკავშირებთ  AC/DC–ს,  Pink Floyd–ს  და Beatles–ს გალაკტიონთან ? უსმინეთ და მიხვდებით...



1.  Thunderstruck–ის ფონზე ჩართეთ გალაკტიონის "მთაწმინდის მთვარე". ლექსს ხმა ბოლომდე აუწიეთ, მუსიკას ოდნავ ჩაუწიეთ და ისიამოვნეთ.....

2. Hey Jude–ის ფონზე ჩართეთ "თოვლი"..... 

3. Pink Floyd–ის ფონზე მოუსმინეთ გალაკტიონის "სილაჟვარდეს".

პოეზია + როკი

გაინტერესებთ რა აკავშირებთ  AC/DC–ს,  Pink Floyd–ს  და Beatles–ს გალაკტიონთან ? უსმინეთ და მიხვდებით...



1.  Thunderstruck–ის ფონზე ჩართეთ გალაკტიონის "მთაწმინდის მთვარე". ლექსს ხმა ბოლომდე აუწიეთ, მუსიკას ოდნავ ჩაუწიეთ და ისიამოვნეთ.....










2.  Hey Jude–ის მე–16 წამზე ჩართეთ "თოვლი"..... 








3. Pink Floyd–ის ფონზე მოუსმინეთ გალაკტიონის "სილაჟვარდეს".







 

 (იდეისთვის მადლობა ირაკლი ჯახუას, უბრალოდ არ მინდოდა ჩვენი მსგავსი მესიჯები  მხოლოდ  facebook–ზე დარჩენილიყო <3 )

"მე ასეთი დავრჩები, თუ გამიძლებს დრო, იოლად მისაჩვევი, როგორც თამბაქო"

მიყვარს - მუსიკა;
ვოცნებობ - მშვიდობაზე;
ვფიქრობ - შვილებზე;
მძულს - ტყუილი;
ვნანობ - არაფერს;
კმაყოფილი ვარ - მუსიკით;
მენატრება - ცა;
მსურს - ბევრი რამ;
მაღიზიანებს - ბევრი რამ - ჟურნალისტების დაბალი კომპეტენცია;
ვგრძნობ - ყველაფერს;
მეშინია - არაფრის;
ვიცი - არაფერი;
არ ვიცი - არაფერი;
შემიძლია - ყველაფერი;
არ შემიძლია - ყველაფერი;
ვმეგობრობ - ყველასთან;
ვაპატიებ - თითქმის ყველაფერს - მართალ შემოქმედს ყველაფერს, "სიაფანდს" - არაფერს;
ვტირი - თითქმის არასოდეს;
ვიცინი - ყოველდღიურობაზე;
ვეძებ-სიმყუდროვეს;
ღირსი ვარ-ვიყო ის, რაც ვარ;
ვჩხუბობ- კონცერტების დროს, თუ საქმე საქმეზე მიდგება;
ვკარგავ-დროს;
მშურს - არაფრის;
ვემალები - ქარბუქს, არ მინახავს და იმიტომ;
ვემტერები - თაღლითებს;
მაინტერესებს-ყველაფერი;
არ მაინტერესებს - უნიჭო შემოქმედება;
მახსოვს - დაბადების პირველი 2 წელი;
მრცხვენია - არაფრის, უსირცხვილო ვარ;
უარვყოფ - მარქსიზმს;
ვავადმყოფობ -იშვიათად;
ვმალავ - არაფერს;
ვინახავ - ფულს ბანკში;
მწამს - მუსიკის;
მიკვირს - ყველაფერი ახალი;
მიხარია - ის, რომ მამა ვარ;
ვჭორაობ - პოლიტიკაზე;
ვდარდობ - იშვიათად;
ვამაყობ - საკუთარი სიმღერებით;
ვაკეთებ - საკუთარ სიმღერებს;
ვეფერები - საკუთარ შვილს და ცხოველებს;
მსიამოვნებს - ოჯახური სიმყუდროვე;
მესიზმრება - გამთლიანებული საქართველო;
ვეხმარები - შეძლებისდაგვარად ყველას;
ვეწევი - სიგარეტ "კენტს";
მწყინს - როცა მატყუებენ;
ვხარჯავ - ენერგიას;
ვღალატობ - ხანდახან პრინციპებს;
ვკამათობ - გემოვნებაზე;
ვუხეშობ - საკუთარ ძაღლთან;
ვუსმენ - მოცარტს;
ვყოყმანობ - იშვიათად;
ვკითხულობ - წიგნებს ცხოველებზე;
ვამზადებ - ყავას;
ვუყურებ - კომპიუტერის მონიტორს;
ვკლავ - არავის;
ვაფუჭებ - არაფერს;
ვცხოვრობ - მშვიდად;
ვცემ - არავის;
ვყვირი - არასოდეს;
ვმღერი - ყოველთვის;
ვასრულებ - საკუთარ სიმღერებს;
დავდივარ - ძაღლის გასასეირნებლად;
ვმკურნალობ - მოჭარბებულ ემოციებს;
ვერიდები;ალკოჰოლურ სასმელებს;
ვთამაშობ - კომპიუტერულ თამაშებს;
ვიტყუები - არასდროს;
ვეთაყვანები - დიდ კომპოზიტორებს;
ვგიჯდები - საკუთარ შვილებზე-  8 წლის მაქსიმეზე და პატარა ნანაზე;
ვაგროვებ - საკუთარ გამოცდილებას;
ვიხდი - ყველაფერს;
ვეჭვიანობ - არაფერზე;
"ვკაიფობ" - ყველაფერზე;
ვიზიდავ - ყველას;
ვალამაზებ - ყველაფერს.

თქვენი მეფე !



“მე ვარ გმირი რომელიც არასოდეს ჩაიდენს გმირობას, მე ვარ მეფე რომელიც არასოდეს მოახვევს თავის აზრს ქვეშევრდომებს და იმ ხალხს რომლებმაც ჯერ ვერ მიაღწიეს სულიერების იმ პიკს საიდანაც ყველაფერი მოჩანს. მე არ მჭირდება მოწაფწეები და არც მოწაფეებს სჭირდებათ მეფე, რომ მათ სულიერი ნახტომი განახორციელონ. ყოველი მათგანი მეფეა და ადრე თუ გვიან დარწმუნდებით ჩემი სიტყვების სისწორეში.”



     

ქართველი მუსიკოსი, პოეტი, გენიალური ადამიანი და უბრალოდ მეფე – ირაკლი ჩარკვიანი, რომელიც დღეს 51 წლის უნდა გამხდარიყო... სამწუხაროდ ვეღარ ვნებივრობთ მისი ახალი ალბომების მოსმენით, ახალი ლექსების კითხვით, მაგრამ რაც მან დაგვიტოვა ის ხომ მუდამ ცოცხალი, ემოციური, სულში ჩამწვდომი და არაჩვეულებრივი იქნება. ყოველთვის მოუსმენენ და იამაყებენ ქართველები, რომ არსებობდა მეფე, რომელიც უყვარდათ და ეყვარებათ, რომელიც ენატრებათ და დღეს მის "მენატრებას" უსმენენ, "აფრენენ" და "ქაღალდის გემით" მოგზაურობენ მის ხელოვნების სამყაროში.

,,ირაკლი ჩარკვიანს თავისუფლების იმდენად მძაფრი და მოჭარბებული მოთხოვნილება ჰქონდა, რომ ალბათ გადაწყვიტა კიდეც _ სიკვდილი, როგორც თავისუფლება, ისევე არჩევანია, როგორც სიცოცხლე.
 რა თქმა უნდა მეფესაც აქვს სიკვდილის უფლება, მაგრამ არა ასეთი სიკვდილის უფლება, რადგან როცა ქვეყანაში მეფე კვდება, ამ ქვეყანაში ვიღაცამ მაინც უნდა თქვას ხმამაღლა, დანარჩენების გასაგონად - გაუმარჯოს მეფეს!'' (დათო ტურაშვილი)




"ისე უნდა გახურდე, რომ გადაიწვა, ისე უნდა გაანათო, რომ დაბნელდეს, ისე უნდა იცხოვრო, რომ მოგკლან, ისე უნდა მოკვდე, რომ დაიბადო".